02.10.2012

ڕۆژی 28-9-2012 به‌ڕێوه‌به‌رانی فریتێکس له‌ ڕێگه‌ی فڕۆکه‌خانه‌ی هه‌ولێره‌وه‌ گه‌شتنه‌ هه‌ولێری پایته‌خت و له‌ فرۆکه‌خانه‌ له‌ لایه‌ن به‌ڕێوه‌به‌رانی کۆمپانیای ساباته‌وه‌ پێشوازیان لێکرا.

 ڕۆژی 29-9-2012 کۆبوونه‌وه‌ فه‌رمیه‌کان ده‌ستی پێکرد، سه‌ره‌تا وه‌فده‌که‌ به‌ ئاماده‌بوونی به‌ڕێوه‌به‌رانی سابات سه‌ردانی گه‌نجینه‌کانی کۆمپانیایان کرد و پاشان کۆبوونه‌وه‌یه‌کی فراوانیان کرد له‌گه‌ڵ نووێنه‌ری مووشته‌ریه‌کانی سابات و له‌ کۆبوونه‌وه‌که‌دا به‌ شێوه‌یه‌کی شه‌فافانه‌ باس له‌ چۆنیه‌تی به‌ره‌وپێشبردنی کاره‌کان کرا.

پاشان به‌ڕێوه‌به‌رانی فریتێکس و سابات کۆبوونه‌وه‌ی خۆیان کرد و تێیدا هه‌ڵسه‌نگاندن بۆ بابه‌ته‌کان کراو بڕیار له‌سه‌ر زیاتر به‌ره‌وپێشبردنی په‌یوه‌ندیه‌ بازرگانیه‌کانی نێوانیان کرایه‌وه‌.

دوای نیوه‌ڕۆی هه‌مان رۆژ سه‌ردانی بازاڕی له‌نگه‌ی هه‌ولێریان کرد.

ڕۆژی دوایی 30-9-2012 به‌ڕێوه‌به‌رانی هه‌ردوولا پێکه‌وه‌ سه‌ردانی شاری سلێمانیان کرد و له‌وێش چاویانکه‌وت به‌ ستافی لقی سلێمانی و نوێنه‌رانی موشته‌ریه‌کانمان له‌ سلێمانی و پاشان سه‌ردانی بازاڕی له‌نگه‌ی سلێمانیان کرد.

هه‌ر هه‌مان رۆژ دوای نیوه‌ڕۆ سه‌ردانی سابات فاشیۆنیان کرد و له‌نزیکه‌وه‌ له‌چۆنیه‌تی ئیشوکاره‌کانیان کۆڵیه‌وه‌ و به‌ڕێوه‌به‌ری سابات فاشیۆن ڕوونکردنه‌وه‌ی پێویستی کرد له‌سه‌ر چۆنیه‌تی بابه‌ته‌کان.

هه‌مانڕۆژ وه‌فده‌که‌ گه‌ڕانه‌وه‌ بۆ شاری هه‌ولێر و بۆ ڕۆژی دواتر 1-10-2012 پێشنیوه‌ڕۆ به‌ڕێوه‌به‌رانی هه‌ردووکۆمپانیا له‌ کۆبوونه‌وه‌یه‌کیاندا ئه‌نجامی سه‌ردانه‌که‌یان به‌ ئه‌رێنی هه‌ڵسه‌نگاندوو به‌ڕێوه‌به‌رانی سابات هیوایان خواست که‌ ئه‌م جۆره‌سه‌ردانانه‌ به‌رده‌وام بێت و له‌هه‌مان کاتدا بڕیاردرا که‌ جاری داهاتوو به‌ڕێوه‌به‌رانی کۆمپانیای سابات سه‌ردانی لقه‌کانی فریتێکس بکه‌ن له‌ سووید و نه‌رویج.

دوای نیوه‌ڕۆی هه‌مان ڕۆژ وه‌فدی میوان له‌لایه‌ن به‌ڕێوه‌به‌رانی کۆمپانیای ساباته‌وه‌ له‌ فڕۆکه‌خانه‌ی هه‌ولێر به‌ڕێکران.

بگەڕێرەوە